Falando de sexualidade en 3ºESO

 No mes de maio a profesora da materia de  francés, Marta Rodríguez, traballou en dúas sesións con 3ºESO a sexualidade vencellada a formas de expresar o amor.  Para iso, o alumnado fixo unha análise de dunha canción; Frech Kiss, de Black M.E. Tras iso, fixeron un cartel co debuxo dunha margarida na que o alumnado escribiu en cada pétalo distintas maneiras de expresar o amor.

 Os rapaces e rapazas  de 3º ESO, na hora de titoría,  no mes de maio, abordaron a relación de sexo, redes e tecnoloxías mediante varias actividades;  a primeira delas foi a búsqueda do que significan algúns termos como é: sexting, sextorsión, grooming, etc; e noticias recientes que tratasen ditos delitos.

 A profesora Celia López,  de   Física e Química,  traballou en varias sesións a química que xorde co amor. Os rapaces e rapazas traballaron por parellas na elaboración dunha presentación sobre os procesos químicos que se producen cando nos namoramos. Para iso, o alumnado tiña na aula virtual os materiais audivisuais e enlaces a páxinas de interese para a temática.

 O venres 21 de abril na sesión de titoría coa axuda da titora Carmén Pérez, seguimos coa ficha "cultivando habilidades". Pero esta vez, empregamos a técnica de pensamento creativo os 6 sombreiros de Bono para traballar as distintas perspectivas a adoitar ante unha determinada situación; neste caso sobre a presión de grupo de iguais ante o consumo alcol, drogas ou sexo. Para iso, os rapaces saían diante dos demais a escenificar as emocións e condutas que se farían dende cada sombreiro.  A continuación unha foto que exemplifica unha escenificación dende un sombreiro, neste caso, co  sombreiro negro, que como o seu propio nome indica este sombreiro é o encargado de ver os problemas e inconvintes da situación que se está a vivir.